المساعد الشخصي الرقمي

مشاهدة النسخة كاملة : رواية السارقة ????


عبيد بن شمر
09-14-16, 19:28
دخل القاضي وبدا بمحاكمة قضايا داك اليوم بمن فيهم ناديا
وخذا 5 دقايق مداولة للنطق بالحكم ، هنا السي حميد جا داخل ومشا يكلم ناديا
واستغربت مريم من هاد تصرف وحتى ناديا تفاجئت بيه شنو باغي عندها مبعد الشي اللي
وقعلو معاها
السي حميد:- نتي متفاجئة أناديا بقدمومي ليك
ناديا:- امم الصراحة معرفتش لاش جايني وآش باغي مني
السي حميد:- انا نقدر نخرجك من هاد القضية كي الشعرة من العجين
ناديا(عينيها لمعو مسكينة):- بصح بصح السي حميد؟؟
السي حميد:- واه بصح لكن بشرط
ناديا(كحال وجهها وبحال حست بشنو باغي):- شنو هو؟؟
السي حميد:- تزوجي بيا فالسر ونعيشو انا وياك
ناديا:- كنت عارفة باللي نتا أناني تفكر غير فنزواتك بصح معرفتش باللي نتا حقير لهاد الدرجة
خرج منا خرج مبغيتش نشوفك
مريم:- ناديا.. ناديا مالك كتغوتي السي حميد اش باغي ؟؟؟
السي حميد:- باغي غير مصلحتها بصح هيا مبغاتش
ناديا:- اسيدي الله يرحملك الوالدين متفكرش فمصلحتي قادة بشغالي ولو تكون اخر راجل فالدنيا منديكش يالاه خوي الجوقة عليا منا
السي حميد:- وكلسي فالحباسات تتعفني انا ماشي نتزوج لالاك اللي شحال وهي تتحكك بيا بصح انا مديهاش فيها على قبلك
ناديا(مشا وهي كتغوت موراه):- الله يهني سعيد بسعيدة راكم طينة وحدة
مريم:- سكتي سكتي صافي راه مشا
ناديا:- شتيلك لولد الحرام جا يستغل موقفي عارفني ضعيفة فهاد الوقت بصح معامن نكلس عمري كلو ومنكونش ليه
مريم:- وصافي سكتي تهدني متحرقيش اعصابك على واحد بحالو شوفي جدك كيصفار وخضار
ناديا:- تت مسكين اففففف
الحاجب:- محكمة
ناديا:- ياربي نصرني على الظالمين ياربي عارفني مظلومة وقلت كلشي للقاضي ياربي تنصرني عليهم
قلوبهم كاملين كانو يدعيو لناديا باش تخرج من هاد المشكل اللي وقعت فيه لكن اللي معندو والو كيمشي فالرجلين تحكم على ناديا بالسجن لمدة 6 اشهر نافذة للاسف
فعلا الظلم كيهرس الظهر ديال الانسان وفوقتنا هادا اللي عندو يقدر يعيش ويدافع على راسو
اما اللي معندوش مشا فيها مسكين
السي عيسى متحملش هادشي اللي وقع لحفيدتو مسكين طاح كومة فالبلاص وخداوه للسبيطار وناديا مسكينة قلبها بغا يخرج باغية غير تطمن على جدها لكن ملقات جهد
من بعد مدة وفتوسلات وترجي للبوليس سمحولها بإجراء اتصال واحد وفوقت ضئيل جدا
وهي بغات غير تطمن على جدها اتصلت بمريم اللي طمنتها عليه وقاتلها باللي غاتجي تزورها فاول زيارة ليها اي الاسبوع المقبل
مرت الايام وناديا كتقضي اسود لحظات فداك السجن لاهيا قادرة تخرج تنتقم ماللي تسببولها فهادشي ولا قادرة حتى تطمن على جدها مسكين اسبوع فات طويل عليها بزاف بشكل لا يوصف
حتى وصل موعد الزيارة وكانت تستنى مريم بفارغ الصبر اللي جات اخيرا لعندها
مريم(كتبكي):- ناديا
ناديا(كتبكي وبلهفة):- مريم اختي كيراكي كيرا جدي راه مزيان ياك عزيزة خالتي عزيزة؟؟
مريم:- بخير بخير كلشي مزيانين
ناديا:- حلفي حلفي باللي جدي راه مزيان ياك امريم
مريم:- اويلي على حلفي اوالله الى راه مزيان خرجناه نهار مور المحاكمة وجبتلو الدوا راه كيدعي معاك مسكين
ناديا:- مريم انا عارفة باللي تقالت عليك خصوصا جدي مسكين اللي زاد هموو و
مريم:- متقولي والو راه جدي حتى انا متخميش
ناديا:-غي نخرج منا نردلك كلشي صرفتيه عليه انا عارفة باللي تانتي معندك جهد
مريم:- متكوليش هاكدة راحنا عائلة زعما .. بصح خصني نقولك...
ناديا:- مالكي تكلمي شنو؟؟
مريم:- اممم انا خليت الخدمة عند السي حميد
ناديا(مخلوعة):- اشنو ولكن علاش شنو وقع؟؟؟
مريم:- ولد الحرام تزوج بلبنى ولالة مولاتي منقولكش كيف ولات فالخدمة غي باطرونة ومبقيتش قادرة نخدم تما كل دقيقة تسمعني كلام وتتأمر عليا ديري ديك هاتي ديك
وانا حطيتلهم الطابلية وجيت خارجة
ناديا :- هه اميمتي هم يضحك وهم يبكي
مريم:- بصح والله مخرجت من تما تادرتلو فضيحة تاصلت بمرتو وكتلها راجلك تزوج عليك وجاتو للمحل بهدلاتو
ناديا:- الله بردتيلي فيه جنون بالمعقول
مريم:- واه صحابلو يدير كاع هادشي ويسلك منها
ناديا:- بصح امريم كيغاديري تعيشي وتعيشي اللي معاك راه ضاعف الهم عليك تتتت
ياربي وكان غير مكنتش هنا نتعاونو ولقاو خدمة
مريم:- متخميش ربي سهلها معندو لقيت خدمة فواحد المصبنة
ناديا:- مصبنة؟؟؟
مريم:- امم وخا مغاديش يخلصوني مزيان بعدا نسلك راسي وبالعشية غانبقى نخدم فالقهوة ديال ناصر اللي مورانا مسكين قالي اجي غسلي لماعن بالليل ونعطيك يوميتك
وشفتي ربي سهل عليا ونشالله فلوس المصبنة على القهوة يجيبو دوا جدك وماما تاهيا
ناديا(شدت يد مريم وكتبكي):- نتي اكثر من اختي ربي يقدرني ونعوضك على كاع هادشي
مريم(تاهيا كتبكي):-كوني غير مزيانة ونشالله كلشي غايتعدل
البوليسي:- الزيارة انتهت
ناديا (نايضة تدخل للداخل اي للزنزانة):- مريم تهلاي فجدي ديريه فعينيك سلمي عليه هو وخالتي عزيزة
مريم(كتهدر مبين الناس وتاهيا خارجة مالباب):- راني جبتلك شي حوايج درك يعطيوهملك وجبتلك روايات جداد من عند خالتي سعيدة تقرايهم وستيلويات ووراقي الى بغيتي تكتبي
ناديا:- ربي يخليك احبيبتي منسيتيش ... مريم تهلاي فراسك
مريم:- تهلاي اناديا تالزيارة الجاية ونجيو كاملين نشوفك
ناديا كان حبها الكتابة برغم انها مكملاتش دراستها وموصلاتش لشي مستوى مي كانت كتقرا روايات كتبيعها جارتهم بابخس الاثمان بصح كانت تعطيهم لناديا تقراهم محيت كانت كتبغيها بحال بنتها، وهكذا كان خدات ناديا الامانة اللي جابتهالها مريم فزيارتها
وغاصت مع بحر الروايات والحروف وما بين السطور ...
يتبع .











للوصول الينا ومتابعة كل بمحرك البحث او