المساعد الشخصي الرقمي

مشاهدة النسخة كاملة : رواية السارقة


عبيد بن شمر
09-14-16, 18:25
بطلة الروايه : نادية بنت بعمر 23 سنة زوينة بزاف فجمالها مكاينش اللي ينافسها









لكن للأسف مكايكونش كلشي كامل ، حياتها عذاب في عذاب منهار تزادت وهي فالشوارع


كتخدم عند هذا وتهز ذل هاداك باش تقدر توفر لقمة العيش ليها ولجدها اللي رباها ماللي كانت صغيرة باها ومها هاجرو يقلبو على رزقكم فمدينة خورا وفالطريق دارو حادثة وماتو.

جد ناديا السي عيسى طاح فالفراش ومبقاش قادر يزيد يجيب لقمة العيش لناديا اللي ضطرت بعمر 13 لسنة تخرج تقلب عليها بنفسها ،


كانو ساكنين فسطح ديال واحد العمارة من سنين هادي فيه جوج بيوت بيت كانو شادينها هوما وبيت كانت فيها أعز رفيقة ليها مريم عندها 22 سنة تاهيا زوينة وعند راسها

وحتى هيا عايشة غير مع الام ديالها الأب ديالهم خلاها وهي باقا صغيرة طلق مها ومشا لخاريج يقلب على راسو من تما مبان تاهما ظروفهم كانت مزرية


بالتالي كانت ناديا ومريم أكثر من الخواتات


بجوجهم فالمعاناة وبجوجهم فالشارع كيقلبو غير فين يحكو الراس يجوز الدنيا تضحك لهم شي نهار ..



حاليا هما كيخدمو بجوج فواحد المطعم عند سي حميد وهذا شخص عينو زايغة ديما داخلة معاه ناديا فصراع محيت مين كيشوف ناديا مطنشاه ومعطياه وقت كيمشي لمريم وناديا مكتبغيش عليها وهي اللي كدافع عليها فكل شيء لاحقاش مريم شخصيتها ضعيفة وفيساع تنقهر


اما ناديا فالايام علمتها كيف تاكل متتاكل
المهم كانت معاهم واحد شاطا ماطا سميتها لبنى كتكره ناديا كره العمى ولوكان تصيب تخرجها مالمحل مي معرفت كيدير .





ناديا:- مريم يالاه سالينا دوام ديالنا عييت بغيت نمشي نعس


مريم:- دقيقة نرد هاد لكيسان بلايصهم باش غدا منتعدبوش فيهم


لبنى(كتتمايع):- السي حميد اني ماشية

ناديا(كتعيبها قدام مريم):-اني ماشية ..هههه


لبنى(شافتها ومشاتلها):- شفتك كتقلبي عليا


ناديا(كتتنكر):- أنا بالعمى


لبنى:- وسبحان الله


ناديا:- روحي احبيبتي طريقك زراعي هه


مريم(تفركعت بالضحك):- كخخههههه
السي حميد(بغا يقصر الشر):- الله يعاونك أ لبنى ونتوما البنات سربيو باش نقفل المحل


خرجت لبنى كتبلبم بكلام ماشي مفهوم وهي معصبة


ومريم بقات ترد الكيسان وقربات تسالي وناديا بقات كتعدل الكراسى وهو يجي عندها السي حميد


السي حميد:- واش نتيا باقي مبغيتيش تحسي بيا


ناديا(كتخدم وكتهدر):- تاقي مولاك ولادك راهم قدي فالسن


السي حميد:- وراك عارفة غير نتي اللي فالقلب


ناديا(بشوفة قاصحة):- يعطيك حبة فيه باش تقابلها وتخليني عليك فالتيساع


السي حميد:- ياك اناديا كدعي عليا؟


ناديا:- ونتا مبغيتش تفرق جرتي


السي حميد:- أنا بغيتك فالحلال بغيت نسترك منهاد الشنططة اللي نتي فيها


ناديا:- وانا رفضت الشريف مبغيتكش تزوجني فالسر الى بغيتني بصح تزوجني قدام الناس علنية ماشي بحال الشفارة
السي حميد:- وانتي عارفة ظروفي و...


ناديا:- ونتا عارف هادا اللي عندي . مريم حطي داكشي ويالاه تالغدا ونكملوه


مريم(حطت الطابلية وجات تجري حيت عارفاها تعصبت):- وخا وخا أني جيت ...


ناديا:- الله يعاونك السي حميد ...


مشات ناديا ومريم مبعد مخداو معاهم شوية لعشا شاط فالمطعم لعزيزة ماين مريم ولسي عيسى جد ناديا اللي كانو بحال العائلة
عزيزة أم مريم راقدة تاهيا فالفراش مكتحرك الا بصعوبة عندها فشل كلوي وخصها دوا كل يوم
والسي عيسى كبر مسكين فالسن مريض بالقلب وكضيق فيه نفسو ويبغي يتخنق تاهو مسكين خصو دوا كل يوم كانو البنات يديرو اللي ميندار باش يجيبلهم ديك اللقمة والدوا ديالهم الا انهم يفرطو فشرفهم كان اثمن شيء عندهم
كانو كل ليلة يعشيوهم ويعطيوهم دوا ويخرجو يكلسو فداك سطح عند واحد المنضدة مطلة على الشارع وفديك الجلسة كيحلمو بغد زوين ينتشلهم من المرار اللي عايشينو




ناديا:- نتي حمقة بغيتيني نتزوج هاداك فالسر لازين لا طبع حتى


مريم:- لقيتيه باقية تشرطي


ناديا:- فكري معايا نديه فالسر يشبع مني يرميني للزنقة تاني.. داك نوع باين اش باغي مين شافني مجيتش من طريق العوجة قال نجيها من طريقها لكن معا مين والله لا شافها


مريم:- ايوا خصك تصبري متبقايش تشكاي من تصرفاتو كل يوم


ناديا :- تي مالك حامية عليا زايدة معاه ولا معايا؟؟


مريم : لا معاك ولا معاه معا الحق ومديريش عليا راني معصبة شوية
ناديا:- مالكي تاني سي روميو مجاش تاليوم لمطعم ياك هادا اللي معصبك؟؟
مريم:-اسبوع مبانش خايفة ميبقاش يجي لتما تاني



ناديا:- وسمحيلي عبر عليك مبعد شهور ديال نظرات والهمسات والغمزات نهار جا يهدر معاك هربتي منو وضربتيه بصقلة شنو باغية تاني عاد ؟؟


مريم:- واختي انا خفت هو خلعني جا مورايا صحابلي شفار وعطيتو صقلة بلاما نحس وزايدون غلطت
وقتلو سمحلي مكانش خصو يمشي هاكدة ولا يفكر يرجع او يفهم مني


ناديا:- وصبري يومين وتلقايه جاي يقابلك من طابلتو تاني


مريم:- بعدا انا وعندي القلب ونحس ونتيا ؟؟


ناديا(كتاكول الزريعة):- أنا مالني ؟؟


مريم:-نتي اللي قلبك مبغاش يدق نهائيا


ناديا(حطت الزريعة وبقات تتأمل فالقمر بعينيها كيلمعو):- أنا باقي مجاش اللي يزلزل قلبي وحياتي ونهار يجي اتعرفي بلاما نقولك امريم
مريم:- وانا كنقول معندك قلب دنتي امو الاحساس كلو هههه


ناديا:- نوضي تنعسي الحمقة نوضي غدا فايقين بكري هههه تصبحي على خير
مريم :- تصبحي على خير






يتبع... بعد 5 دقائق في موضوع اخر















للوصول الينا ومتابعة كل بمحرك البحث او