المساعد الشخصي الرقمي

مشاهدة النسخة كاملة : قصة عداوة بين أخوين


عبيد بن شمر
08-28-16, 08:51
عداوه بين اخوين :

انا و اخوي كنا اعداء في صغرنا حتى عندما كبرنا كانت الوالدة رحمها الله تقول يا عيالي انتم اخوان مالكم غير بعض، و مهما وقفوا معاكم الناس هم ناس ياعيالي.

و الوالد رحمه الله كان دائما زعلان علينا ما يكلمنا و كلامه معنا رسمي جدا..
و السبب عداوتي انا و اخوي وكان دائما يقول للوالده الله يهديهم..
وراح يجي اليوم الذي يعرفون فيه قيمة بعضهم و يتذكرون كلامنا؛ ان الاخ مايتعوض.
و لو تألم الواحد فيهم قال اخ ما قال صاحبي او صديقي.

و تزوجنا انا و اخوي و زادت عداوتنا حتى زوجاتنا يوم يجتمعوا في بيت ابوي تصير مشاكل
امي و ابوي احتاروا معنا كثير و يخافون يوقفوا مع احد يزعل الثاني و استمرينا على هذه الحالة.
ماتت امي و بعدها ابوي بخمسة سنين و بعنا املاك ابوي و كل واحد فينا اخذ حقه
و ماعاد احد فينا يدري عن الاخر، كبروا عيالنا و لو يتقابلوا والله ما أحد يعرف الثاني.

و في يوم من الايام و هنا الطامة الكبرى دخلت في الاسهم و خسرت كل اللي وراي و قدامي و حالتي صارت تصعب على الكافر...
مرضت بمرض السكري و مع الضغوط اصابتني جلطة افقدتني عيني اليمين
من كثر التفكير في حالي و في عيالي لأني ضيعت كل شي في لحظة طمع.

و في يوم و انا اصلي الفجر بكيت و دعيت ربي و قلت يارب ارحم امي و ابوي و ارحم ضعفي و قلة حيلتي و عوضني خير في عيالي، وفجأة..
شفت صديق لي قديم كان جارنا و حنا صغار
سلم علي و عرف عني كل شي
و بعد اسبوع زارني في بيتي وقال ابي منك طلب قل تم قلت ابشر.....
قال هذا شيك بمبلغ و قدره ?????? الف ريال(نصف مليون)
ابدأ به حياتك من اول و جديد
و يوم ربي يفرجها عليك اعتبرها دين.
سويت لي منها مشروع صغير و الحمدلله ربي عوضني كل اللي فقدته.

و كل يوم اشكر الله الف مرة
و في يوم اتفاجأت بصديقي يزورني و يقول لي؛ انا جيتك بأمر ضروري ما يحتمل تأجيل قلت له اذا على الفلوس ابشر يالغالي ترى الحمدلله ربك فرجها
قال الامر اكبر بكثير قلت ما هي السالفه؟
قال ترى اللي اعطاك الفلوس اخوك وقال يا فلان اسألك بالله هذا سر بيني و بينك
ما اقدر اشوف اخوي محتاج
و اتركه في هذه الحالة.
خذ هذا المبلغ و اعطيه لاخوي و لا يدري انه مني.
و انا جيتك اليوم على شان تزور اخوك في المستشفى تراه بين الحياة و الموت
على الاقل روح تسامح انت و اخوك ترى اخوك يحبك.
رحت اركض للمستشفى و دموعي تغسل كل كره السنين لاخوي ولد امي و ابوي
دخلت غرفة الانعاش و شفت اخوي عليه اجهزة في كل جسمه مسكت يده و حبيت راسه و قلت سامحني
فتح عيونه و طالعني والدمع ينزل من عيونه
وضم يده ليدي و شهق انفاسه الاخيرة
اخوي مات كان ينتظر حضوري مات اخوي بين يدي.

كل جمعه امر على قبره و ابكي و اتذكر كلام امي يا عيالي انتم اخوان

من وقف معي في شدتي الا اخوي روحه ما فارقت جسده الا عندما شافني.



الاخ لا يعوض ..
( رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا ) ..اللهم احفظ لي أخوتي وأخواتي واجمعنا على الخير في الدنيا والآخرة،


واليوم كم نشاهد من تقاطع بين الأخوه بل وحتى الاخوات والاقارب للأسف الشديد ،،، تذكروا ثم تذكروا أن الدنيا زاااائله لامحااااال

قال تعالى :
( قَالَ سَنَشُدُّ عَضُدَكَ بِأَخِيكَ ).
لم يختّر الله تبارك وتعالى من ا?قارب لشد العضد إلا ا?خ.... تأملوها ..!

أخوك وأختك ياقرة العين ، تحاشى كل مايوتر علاقتكما ، ?نك لن تجد بالدنيا شخص يشد عضدك كأخيك !!..

لمن قاطع اهله، عليه ان يتوب ويتصالح معهم لايدري اي لحظه ستاتي اليه وتغرغر انفاسه الاخيره ويفارق اهله واحبته.
اقرؤوها بعناية ففيها من الحكم والعبر مايكفي وان الحياة ماتستاهل وهي زائلة وماتدوم .



للوصول الينا ومتابعة كل بمحرك البحث او