المساعد الشخصي الرقمي

مشاهدة النسخة كاملة : يهنيالچ على خبالي!..


عبيد بن شمر
08-17-16, 22:38
آني أتخبّلت من ضعت بظنونچ..
من صرت أحسد عيونچ على عيونچ!..
يهنيالچ على خبالي!..
ما عندي خلگ للناس
بس عيونچ ببالي!..
أضيع بكلمة من عندچ
وأشرّبچ مثل طاسة ماي
لو أشوفّنچ گبالي!..
أنة الخبّلني بيچ
زنودچ السمرة..
اعرفچ فاهية ومحتار
ليش وياج ذبّت
كل ملحّها وحيلها الصحرة؟!..
(صعبة بكثر هم الناس!..)
وسهلة بكثر
هاي الوادم الفقرة..
اريد وياچ أشرب كل ضوة الگمرة..
اريد وياچ تطّلّگ روحي المعسّرة!..
(لأكتبلچ غزل ما كاتبة لانسان!.)
وأمطر بس عشگ
للناس
والنسوان
گطرة تغار من گطرة !..
#‏ادهم_عادل